27 май көнө, “Тамыр” балалар каналы менән берлектә, тәү башлап ойошторолған “Ҡош юлы. Балалар” проекты еңеүселәрен билдәләне. Кем гитарала оҫта уйнап, матур йырлап, төп приз — Гран-прины алған тип уйлайһығыҙ?! Әлбиттә Учалы егете — Айҙар Исхаков! Шулай уҡ, конкурста беҙҙең тағы бер талантлы егетебеҙ — Азамат Рәхимов та ҡатнашты.
Конкурс 16 йәштән дә өлкән булмаған, гитарала уйнап башҡорт телендә йырлай белгән йәш таланттарҙы йыйҙы. Һәр ҡатнашыусы, ойоштороусылар беркеткән остаздарынан йыр, моң, гитарала уйнау буйынса дәрестәр алып, өс турҙа ҡатнаштылар. Өсөнсө тур — Гала-концертта, конкурсанттар ике йыр (остаз менән дуэт һәм бер үҙе башҡарған йыр) тәҡдим итте.
Ә беҙ талантлы егеттәребеҙгә артабан да ҙур уңыштар теләп ҡалабыҙ!!
…әйткәндәй, «Ҡош Юлы. Балалар» фестиваленең финал өлөшөн БСТ каналы 2 июндә күрһәтәсәк. Ҡарайбыҙ
дуҫтар!!!